Sommar om hausten.

I haustferien dro vi til Alanya i Tyrkia. Det betyr sommar om hausten.  Da er det meir behageleg sommartemperatur ved Middelhavet enn i juli - etter mi meining.
Vi var på stranda og bada kvar dag.  Men sidan dette er så vanleg har vi ingen foto frå dette.

Men å lure med seg kona på rafting er litt meir eksklusivt. Her har vi heller ingen eigne foto, for vi kunne ikkje ha med oss kamera under slike forhold.  Men det går an å få kjøpe slikt.

Søskenbarnet mitt Anders har leilighet i Alanya og han vart med oss på turen. Her er han og Cecilie fotografert med eige kamara før avgang. 

 Moro å prøve noko nytt og eksotisk. Her er det små fiskar som gjennomfører fotterapi. 

 Ein viktig del av ferielivet er å gå på restaurant. Det var mange fine plassar der det gjekk an å innta eit betre måltid, og maten var ofte både god og såg spennande ut.

Påvirkning frå Norge var slett ikkje ukjent.  Namn frå Trondheim fann vi i hovudgata der vi budde og nordiske flagg hang på hotellet vårt.

 Ein annan plass i byen fann tekst både om coop og vinmonopol, systembolag.

 Det er fleire holer i fjellet. Her har vatnet  vaska ut kalken over lang tid. Dette ligg i sentrum av Alanya og derfor ligg det også godt til rette for turistar og inngangspengar.

 God utsikt over byen frå ein uterestaurant.

 Hotellet vårt heiter Alanya Dreams. Her ser vi at inngangen er bygd slik at to hus er teke i bruk som eit hotell. Og så ser vi litt nærmare på ho som sit i "lobbyn."

Ein kveld var det ikkje berre middag, men fullt show i eit gamalt slott. Dette er eigentleg ein gamal overnattingsplass for kamelkaravaner langs Silkevegen. Nedanfor kan du sjå små glimt frå eit langt show med ulike tyrkiske folkedansar.

Ved Alanya ligg ei borg som har spela ei sterk rolle både for sjørøvarar, romerske keisarar og Kleopatra frå Egypt. Badestranda vi ser i bakgrunnen på det nederste biletet heter "Kleopatrastranda."

Her er vi på ei utflukt der vi er innom ein som lagar mykje fint av lokale steinar.(onyx)

Her sit vi ved svært låge bord på flåtar i elva nedanfor ei demning. Her blir det laga elektrisk straum for Alanya. 

Vi var også litt ute for å prøve oss på enkle kjøretøy. Vi prøvde sykkel med motor/batteri. Men sidan batteri fort blir tomme konkluderte vi med at den klassiske sykkelen utan batteri fungerte best. Da kom vi også ein tur til sjømannskyrkja like ved Alanya. Der vart det sjølvsagt kaffe og vaflar. 

Lita grop kan velte stort lass.

Da eg starta som bonde hendte det fleire gonger at hengaren velta under forhausting. Etter kvart lærte eg litt om skeiv lasting og generelt om naturkrefter.  No har eg kjørt i mange år utan å velte, men i år velta eit lass igjen.  Det var ikkje så veldig bratt heller, men det var ei grop i terrenget som eg ikkje passa godt nok på. Det er vel slik at der det er bratt passar eg også ekstra godt på.
Men plutseleg låg altså lasset slik.

 Her er det min gode "dreng" Per Sindre som først må vere med på å tømme lasset, og så må vi lesse graset på igjen. Til slutt må altså Per Sindre jamne det utover i silon. (3.gongs behandling)
Dette biletet sendte eg også som sjåarbilete til NRK MR.  Frå ein hyggeleg sambygding fekk eg da eit spørsmål om eg har starta med utesilo med sidetipp.

Og når først lasset har velta så er det litt knapt med berre ein traktor, så da er det godt å ha ein god nabo:

 På turen nedover kan drengen få seg litt fortjent avslapping.

Men det er ikkje berre velting som skaper litt plunder. No tykkjer eg rett og slett at Telenor med sine underselskap bør gjere jobben sin. Jula 2011 herja Dagmar i området her, og telefonledninga vart lagt ned fleire plassar. Det var eg som måtte fjerne stolpen frå ekra.  No har eg hatt slik akkuratkjøring der telefonledinga går mellom traktoren og hengaren. Slik har det vore i 2 somrar og 4 forhaustingar.

Sommar 2013 med feriefolk og sommarfest.

Her kjem litt meir småglimt frå sommaren 2013.  Og det kan kan også hende at det kjem fleire glimt seinare.

(Har skrive om hagearbeid)

 

Da eg investerte i ein 6 år gamal traktor i 1982 ante eg nok lite om kor god investering det var for framtida. Alle barnebarn var ute og kjørte. Dei eldste var mest interessert i "nyttekjøring" og vi kjørte bort greiner og henta grus. Sebastian og Sondre var aller mest ivrig. Bestefar er svært lettsmelta når dei stiller seg opp og ser bedande på meg:  "kjøre"  eller "trrrrraktor." 

 Bestemor hadde også investert. Traktoren var ny i fjor, men lasteapparatet var nyinnkjøpt. Her er det Jona som kjører bort gras.

 Bestemor samlar ofte bernebarn rundt seg til lesestunder.

Det er lettare å samle alle når det er ei spesiell anledning. Denne gongen hadde Marthe og John Gudmund sommarfest på Vishus fordi dei gifta seg på Tennerife i fjor svært så hemmeleg. Da blir det også fleire feiringar og fleire kaker.

Leirstaden Visthus.

Og her kjem ein liten videosnutt frå starten på festen.

 Her har bl.a. Håvard, Signe og Eiliv pynta seg i sin finaste stas.

 Storfamilien er samla.

 Marthe med brudepikene og ein brudesvenn på vår side av familien.

 John Gudmund med sine søsken.

Frå småbarnsfamilieavdelinga i selskapet.

 Sommar betyr  besøk, og her er Easter og Jan Erik med og trillar Bjørnar ein regnversdag.

 Bestemor og Anna prøver å  få kvarandre til å sove. 

 Eivind ventar spent på lokalavisa. Blir det noko fiskestoff i dag tru......

 Det vart også mange turar med bading på Flæsa. Svelesteiking vart det i år også. Viss nokon vil sjå foto av det, er det berre å bla seg tilbake i bloggen.

Mødre er ofte ivrige fotografar.

 

Eiliv har funne blåbær som han skal vise til bestemor. 

 Isspising høyrer også ferien til.

Hagearbeid.

I headingen på bloggen vår står bl.a. denne teksten: Og viss nokon vil rydde i hagen så er det berre å kome.      Det pleier å vere nokon som er flinkare enn andre til å benytte sjanse.

 Nils Ingar, Eldbjørg og Sebastian ryddar opp i jerngryta.

 Sebastian fjernar kvistar både manuelt(her) og med traktor. (håpar det kjem eigen serie om det)

 Etter planting høyrer vatning med. Da er det tryggast å bruke hjelm, så går det an å ta sykkeltur også.

 Marie kontrollerer at Anna gir riktig dose med vatn.  Bestemor var ansvarleg for krydderbrettet. Anna og Eldbjørg stod for såinga. 

 

 Her er det hemlokken som blir barbert   -   etter at adventslysa vart demontert p.g.a. måling av huset.

Marie er oppe og kuttar ein del greiner.

Etter at dei andre var reist fall eg for fristelsen til å bidra med ein liten finish.

......... og så håpar eg å kome tilbake med fleire glimt frå sommaren.