Rydde utsikt.

Dette blogginnlegget er spesielt teilegna Marie og Nils Ingar, som laga sløyfer på trea som måtte fjernast, for å få utsikt til Todalsfjorden.  Den store grana vart jo fjerna allerede i romjula.  No var det 2 store aske-tre som stod for tur.

 Her ser vi resultatet av første og andre fellingsforsøk.  Sjølv om eg saga innover frå alle sider ville ikkje aska falle.  Eg måtte berre gje opp og starte på nytt litt lengre oppe der stammen ikkje var riktig så tjukk.

 Desse to bileta er tekne i dag før og etter felling.  Forskjellen er likevel mindre enn kva det er om sommaren med blad på trea.  Utsikten til Todalsfjorden vil auke.  Det var far som planta ask i sin ungdom.  No har det vorte fleire asker og dess veks til, også på eigedomen til naboen. I år hogg eg derfor ved hos naboen  - for å lage litt meir utsikt frå huset. 

Rørosmarknad 19.februar 2011.

Det var avisa Driva som starta sitt 40-årsjubileum med å arrangere busstur til Rørosmakna'n, og vi meldte oss på.   Litt søtsaker går det an å kome heim med på alle tider av året.  Dette måtte nok vere søtsaker som tålte låge temperaturar.  Dat var omlag -24 grader C.

Noko av det første eg gjorde var å skifte ut litt klede/sko.  Når ein kjøper sko som er anbefalt på Roros må det vere eit greit kriterium for at dei er varme.  Eg bytta inn inn dei skoene eg hadde, og vart varmare på beina med det same.

Redskap og gode borr lot eg meg også overtale til å kjøpe av ein som var god til å demonstrere.

Vel, det vart ikkje kjøp av hytte, men det såg da litt moro ut med ei slik tønne-hytte.



Her kan vi orientere oss på marknaden. Cecilie har kjøpt seg ny hatt som står bra i stil med jakken ho hadde frå før.

 Midt på dagen hadde vi ein god lunsj på Bergstaden hotell.

 Her har eg kjøpt meg ei fjøl med oversikt over gamle mål.

Cecilie i hovudgata opp mot kyrkja med ny korg.

Stort sett var det ganske fullt med folk over alt, og av ein eller annan grunn forsvann det ein del pengar i løpet av dagen.  Det er kanskje målet for dei som arrangerer marked. 

Her kan du lese meir om Røros-turen på Driva sine sider.

Basarbok på nettet. -Fristen er ute!

FRISTEN ER UTE! Prøv igjen neste år.
Fredag 4.februar er det Misjonsauksjon i Ålvundfjord med tradisjon tilbake til 1867. Vi har også basarbøker. Vi pleier ikkje å "gå på bygda" med basarbøkene, men det ligg basarbok på Joker. No prøver vi å selge lodd på nettet i tillegg. Starta på face-book for to dagar sidan og det gav også respons.

Drøppingstranda må vere ein bra plass for produksjon av bruksvennleg kunst. Aud Annbjørg har strikka 4 sett med klede til dokka babyborn boy. Cecilie kjører stadig symaskin og har produsert denne løparen til basarboka. Løparen er på 35 x 91 cm.
I tillegg er det ein kolonialkasse som kundane på Joker Ålvundfjord ordnar. Det er også der basarboka ligg. Tilbudet på nettet er altså å sende pengar(10,- pr lodd) til konto 40350845552.
Dette må gjerast innan 3.februar. Kan ikkje love å sende gevinst i posten, men vi får prøve å finne ei ordning for overlevering.

Sjekk av eigen popularitet.

Når vi først vel å blogge så ønsker vi sjølvsagt at fleire les det vi skriv. Vår eigen "tellar" fortel at vi har hatt 15160 besøk sidan 1.febr 2007. Det er omlag 10 pr. dag. Det må vi seie oss fornøyd med. Men elles er det mykje nyttig å hente frå Google Analytics. Dei har berre omlag ein tredjedel av tala så eg veit ikkje kva dei legg til grunn. Kanskje dei vel ut ein del, men innbyrdes kan tala i alle fall samnliknast. Da får vi bl.a vite at vi hadde besøk frå 53 land i 2010. Auke på 700% i Danmark der vi auka frå 1 til 8, 300% i Russland, men ein auke på 52% i Norge må reknast som seriøst positiv.
Google kan også fortelje om fordeling i Norge sidan oppstarten. Det er naturleg at Sunndal ledar med 991. Elles: Oslo 504, Drammen 340, Molde 296, Bergen 264, Steinkjer 259, Ålesund 241, Trondheim 224, Sørumsand 200, Moss 140, Andre med høge tal: Sandnes, Leira, Bryne og Haugesund. For nokre av dei plassane lurar vi verkeleg på kven det kan vere som "tittar på oss". Vi er positive til at mange ser på oss, men skulle gjerne ønske at fleire legg igjen "ein kommentar". Vi bit ikkje.
Men elles har jo Cecilie i det siste svinga seg opp med "lappeblogg" og der ser det ut til at markedet er langt større blant dei som er hekta på stoff. Og stoffinteressen kjenner ingen landegrenser. Eg var med og hjalp til slik at at ho med støtte i Google translate fekk oversatt ein kommentar på italiensk!

Anna, jul og januar.

Vi kan sjå tilbake på ei roleg jul med pinnekjøtt på julaften.

Anna med foreldre var innom og sjarmerte oss nokre gonger. Emma og John Gudmund var på besøk og avleverte Sjamal til barnevaktene, men dei vart ikkje fotograferte.
Det vart visst ikkje så mange foto av Anna heller, men her er ho knipsa med mobiltelefon. Antennenne ligg ganske lågt. Når hesten legg ned ørene er det eit dårleg teikn, men Anna ser også blid ut med senka antenner.

Her er ho trygg hos mamma og pappa.

Bestemor var barnevakt samtidig som ho laga middag. Her blir Anna ikkje tilberedt, men ho studerer i alle fall adventstaken som står bak gardinene oppå kjøkkenbenken. Marie og Nils Ingar var ute i hagen og planla nye angrep på busker og tre. Det vart litt for lite fotografering med dåpskjole i sjølve dåpen, så her er det litt ekstafotografering i jula.

Anna sjarmerer i alle fall 2 besteforeldre + dei to andre som ikkje var med på bilete denne gongen.

Dåp i Bergen før jul.

Siste helga før jul fekk vi samlast i frikirka i Bergen saman med Marie og Nils Ingar for å døpe lille Anna.

Her blir Anna senka ned i dåpskaret av pastoren. For oss var det litt uvant men betydninga er den same. Anna skulle få vere Guds barn og medlem av frikirka i Bergen.

No må ho pakkast inn igjen.... og her kjem dåpskjolen på.

Cecilie ville gjerne også ha sin del av showet. Det er ikkje greit å ikkje vere dagens midtpunkt.

Nils Ingar, Martin og Sivert deltok med song og musikk i gudstenesta. Video av innslaget nederst på dette blogginnlegget.

Anna saman med pastor og fadrane.

Anna og stolte foreldre.

Kakebordet er klart i kjellaren på frikirka.

Cecilie og Jona er spiseklare.

Eldbjørg og Gunnveig kosar seg i selskapet.

Det går an å finne seg ulike spisestillingar.

Det var fleire som ville kose seg med Anna, sjølv om mamma´n sender lange blikk.

Cecilie Catharina 8. les bok for Cecilie Catharina 10.

... og så litt barneshow med snikkelora-musikk(Børud) attåt.

Baking, julemesse og sjølskryt.

Det vart ny rekord for julemessa for Misjonsselskapet( på Grøa) i år også. Der er det mange som bidrar, men dette er mest sjølskryt. I det forrige blogginnlegget var eg mest opptatt av å vise mannen som klarte å lage strull. Men no bør det vel framhevast at det er Cecilie som står for den store produksjonen. Kallen er imponert. Det første biletet viser ein av kvar sort, som vi laga.
Strull, bordstabelbakels, Napoleonshatt, suksesskake, hjertekaker, sjokoladerullekake og sjokolademakroner. (Dette blir 7 om ikkje alt er klassiske julekaker)

På biletet over ser vi heile stabelen som vi hadde med til julemessa. På biletet under ser vi det som ikkje vart kjøpt.

......... og sjølvskryt skal ein jo lytte til, for det kjem frå hjertet.
Til slutt eit lite glimt inn i vårt ekteskapelege samarbeid om prosjektet. Eg kan gjerne hjelpe til med å skjære opp sjokoladerullekakene. Eg har heller ingen problemer med å akseptere hennes breie erfaring som tilseier at dei bør vere akkurat 11 cm for å passe i boksen. Men når ho attpåtil vil bestemme at eg skal måle med ein bestemt linjal da reiser eg meg i protest mot overmakta, diktaturet og detaljstyret.

Bakedag.

I dag onsdag 8.desember hadde vi den store luksus å vere heime begge to. Det vart ein skikkeleg bakedag. Noko av dette skal selgast på julemessa på Grøa no på laurdag.
Eg har ein del erfaring med krumkaker. Så da er det berre å skifte "røre" og rulleredskap og så blir det strull. Laga det første gong i fjor. Det smakar kanskje litt meir jul av dette utan at eg heilt kan definere julesmak.

Dagen starta roleg med felles frokost og advenslys før bakinga starta.

Her blir det kjevla og og laga sirklar til hjertekakene.

Her er hjerta ferdig. (I oppskrifta står det stjernekaker.)

Full konsentrasjon om rulleteknikken når det skal lagast strull på krumkakejernet.

På besøk til Anna m. fl. i Bergen.

Besteforeldrene møttes i Bergen på "visning" nest siste helga i november. Anne Marie og Bjørn var klar til å dra den dagen vi kom.
Her er det bestemødrene som beundrar lille Anna som vart fødd 24.okt på sjøvaste FN-dagen og sørga for å kome først i rekka av bursdagar i familien. Mamma held seg forsiktig i bakgrunnen.

Her er ho med raudt hår og rosa hårklemme.

Foreldra fekk også lov til å halde henne for å ta bilde. Eit tilsvarande bilete er sendt til VL, Romsdals budstikke, Driva og Aura Avis denne veke.

Anna og stolte besteforeldre.

På besøk hos Cecilie får vi tilmålt og servert sterk kaffe.

Cecilie har nettopp lært seg å sjå på TV. Iveren er dermed litt sterkare enn hos dei som har holdt på ei stund i faget.

Bestefar får lese bok for Cecilie og Jona.

Søndagsmiddagen må også lagast så her er kokken i gang med steiking av kylling til storfamilien. Etterpå vart det kaffe og fly tilbake til Kvernberget søndag kveld.