Lokal cruise-tur.

Vi har tradisjon med å dra på cruse på runde bryllupdsdager. No hadde vi 40 års bryllupsdag og da vart det ein lokal variant av cruise.

På kvelden kom vi fram til hotell Britannia i Trondheim.

På tur dit reiste vi med hurtigbåt eller Kystekspressen, frå Kristiansund.

 

 På kvelden hadde vi 40-årsfeiring på restaurant Jonathan i underetasjen på Britannia.

 Frokosten kunne vi innta i den kjente Palmehaven på hotellet.

 Heimturen gjekk med Hurtigruta. Trollfjord. Her står Cecilie på dekk 9.  Der kunne vi også besøke boblebadet med utsikt over Trondheimsfjorden.

 40 års bryllupsdag betyr også at det er 40 sidan eg var i luftforsvaret på Ørland Flystasjon på Brekstad.  Det vises ikkje så mykje på dette biletet, men det er nettop poenget. Det er svært flatt her.

 Her kjem vi mot Sørsundbrua i Kristiansund, og nedanfor ser vi at Trollfjord går vidare utan oss.

Hagearbeid.

I headingen på bloggen vår står bl.a. denne teksten: Og viss nokon vil rydde i hagen så er det berre å kome.      Det pleier å vere nokon som er flinkare enn andre til å benytte sjanse.

 Nils Ingar, Eldbjørg og Sebastian ryddar opp i jerngryta.

 Sebastian fjernar kvistar både manuelt(her) og med traktor. (håpar det kjem eigen serie om det)

 Etter planting høyrer vatning med. Da er det tryggast å bruke hjelm, så går det an å ta sykkeltur også.

 Marie kontrollerer at Anna gir riktig dose med vatn.  Bestemor var ansvarleg for krydderbrettet. Anna og Eldbjørg stod for såinga. 

 

 Her er det hemlokken som blir barbert   -   etter at adventslysa vart demontert p.g.a. måling av huset.

Marie er oppe og kuttar ein del greiner.

Etter at dei andre var reist fall eg for fristelsen til å bidra med ein liten finish.

......... og så håpar eg å kome tilbake med fleire glimt frå sommaren.

Start på grillsesongen.

Etter ein trimtur til Seljebøvatnet fekk eg overtala Cecilie til å bli med på å starte på grillsesongen.

 Det var indrefile av gris som vart lagt på grillen i dag. Det makte heilt fortreffeleg.

 Det var god temperatur på grillen, men utanfor var temperauturen ikkje riktig så høg.

Men vi kan i alle fall seie at grillsesongen i gang.

Sein vår er også fin vår.

Dei første som finn hestehov m.m. skriv gjerne om det fjesbok eller blogg.  Men våren er fin når han kjem - uansett når. I mi bok om vår og ver har eg notert hestehov på Drøpping 10.april i 2009 og 13.april både i 2008 og 2011. Ingen å sjå i dag 28.april. (Eg har jo sett hestehov andre plassar - både på fjesboka og i levande live)  Kvitveis har vi heller ikkje sett enda - notert til 10.april i 2009 og 18.april i 2011 - på dei same -"tidlegaste" plassane.
Men vi har hatt blåveis ei stund. I år fann Cecilie den første blåveisen 22.april. (I hagen).

 Blåveisen har vi altså i hagen. Han er vel i si tid importert frå sørlandet av svigerfar, men kjem att år etter år. I dag kan vi telle 9 stk.

 Blåfarga skil seg ut frå det andre som er brunt og grått.

 Påska er ferdig, og da er det vel typisk for dette året at påskeliljene blomstrar no.

 Klosterklokkene kan trenge seg opp av snøen. No tittar dei i alle fall opp av telen.

Krokusen pleier også å vere ein tidleg blomst i hagen.

Flæsa eit år etter Dagmar.

I dag, på andre juledag 2012, er det eit år sidan Dagmar herja rundt omkring her.  Dette er først og fremst eit innlegg for å vise forandringane for dei som allerede er lokalkjente.  Dei sore forandringane kom tydelegare fram etter at hogsmaskine no i haust var her og rydda etter stormen.   

 Frå Skarvhammaren kan vi no sjå ned på Flæsa slik vi gjorde i min barndom. I mellomtida har det vore tett granskog her.

 Her er vi midt i Flæsabakken og ser ned på Flæsa. Vi ser nausta i bakgrunnen.

 Her ved telofonstolpe nr. 10 stod vi og sette på oss ringane nyttårsaften 1972. No heng resten av stolpen og svevar i lause lufta, og telefonledninga ligg enda på bakken fleire plassar.

 Utsikt frå nausta opp mot Skarvhammaren.

 Sett frå det ytterste Flæsaberget. Utsikt i same retning.

Her ser vi frå Flæsa ut mot Vikan. Her er også store granskogar borte.

Spesielt lam.

I vår laga eg film om eit spesielt lam. No har lammet kome tilbake frå fjellet sjølv om mange andre lam ikkje har klart seg over sommaren. Eg har sett lammet mange gonger i løpet av sommaren.  Eg beundrar lammet som har klart å halde følge med dei andre - Ikkje minst - klare å orientere seg om kvar mor er.  Men det er nok litt slitsamt å gå slik, og det vart det lettaste av alle lamma eg har.
I sept sette nokre sauer ny høgderekord. Dei vart funne oppe på toppen av Grånebba -1305 m.o.h. Og dette lammet var med der.
Her kjem ein liten filmsnutt av lammet etter at det kom heim. (Frå Youtube)

Til samanlikning så legg eg også link til filmen som vart laga i vår. (Har stått om det på bloggen før)

Filmsnuttar frå sommaren.

Det er ei stund sidan eg blogga frå sommaren med foto, men her kjem det nokre filmsnuttar få sommaren.  Den første inneheld mating av lam, kjøring med "nytraktoren" og tur på fjorden på Våga,

Den andre filmen foregår inne med div. trening.  Vi kjøpte turnringar denne sommaren. Dei har vore bruka både ute og inne.  Litt klassisk skliing i trappa høyrer også med, ..... og så var det ein som starta krabbekarrieren.

Her kjem også ein link til animasjonsfilmen med grisefødsel som vi kunngjorde på YouTube i sommar. Filmen er også omtala på Bergfruas lapper. 

Sommar 2012.

Sommaren er på hell og vi sit med mange gode minne frå besøk. Eg startar med å blogge litt, men eg har tenkt å kome med fleire drypp i tida framover.

 På ein gard må det av og til investerast i ny traktor. Her har det kome ein John Deere til gards.

 Men det er ikkje berre traktoren som blir bruka. Med Eivind som konstuktør blir det bygd romrakett av eska til traktoren, og da må det sjølvsagt brukast hjelm.

Kakespising og kakelaging hører med. Her er det Marte som underviser i cup-cakes-laging.

 Eivind er også ein dreven kake-bakar og det brukar å smake like godt som det ser ut.

Bestefar held seg til svelene som også er populære. Vi steikte sveler på bål på Flæsa 2 gonger, men når veret ikkje er det aller beste, er det også greit å strekke skjøteledninga til takka på utebordet. Blir det enda verre går det til og med an å steike inne.

 Kven sjarmerer kven?

 Vi deltok på friluftsgudsteneste ved Innerdalshytta ved Olsok. Cecilie fekk denne T-skjorta i premie på naturstien.

Jona skal bli like flink til å klatre som pappa.

 I år var det 8 kopplam på Øverlandet og dei hadde vi glede av mange gonger. Det kan vere praktisk med ei grind som skjold.

 Ikkje alle som treng grind.( fot Nils Ingar)

 Inneleiking er greit innimellom.

 Men sandkassen pleier ofte å vere populær. 

Av og til kan leiking i sandkassen vere ein liten avledning slik at mamma får jobba i fred i hagen.

Meir om korleis det gjekk i hagearbeidet kan de lese hos dei som gjorde arbeidet.

 Her har Signe og Eiliv fått sine vesker. Det er årets sommargave, og vil du vite korleis dei er laga, så er det berre å lese på Cecilies lappeblogg, Bergfruas lapper

 Ein liten diskusjon ute på jordet.(foto Nils Ingar)

Eldbjørg på gamaltraktoren.(foto NIls Ingar)

Det vart ein del båtliv i løpet av sommaren også. Her er vi på kanotur frå Smisetfossen til Ålvundfossen. Styrmann og fotagraf er Eivind.

Marit fekk prøve kreftene på robåten i sterk motvind. Eg sat foran og lata meg og forograferte.

 På Våga brukte Eivind motoren da vi drog ut for å fiske og sette krabbeteiner.

Her er vi på den "berømte" kvite badestranda. 

Attpåtil så fekk vi med oss 38 års bryllupsdag for Anne Grete og Otto med kake i tillegg til krabbe og reker.