På besøk til Anna m. fl. i Bergen.

Besteforeldrene møttes i Bergen på "visning" nest siste helga i november. Anne Marie og Bjørn var klar til å dra den dagen vi kom.
Her er det bestemødrene som beundrar lille Anna som vart fødd 24.okt på sjøvaste FN-dagen og sørga for å kome først i rekka av bursdagar i familien. Mamma held seg forsiktig i bakgrunnen.

Her er ho med raudt hår og rosa hårklemme.

Foreldra fekk også lov til å halde henne for å ta bilde. Eit tilsvarande bilete er sendt til VL, Romsdals budstikke, Driva og Aura Avis denne veke.

Anna og stolte besteforeldre.

På besøk hos Cecilie får vi tilmålt og servert sterk kaffe.

Cecilie har nettopp lært seg å sjå på TV. Iveren er dermed litt sterkare enn hos dei som har holdt på ei stund i faget.

Bestefar får lese bok for Cecilie og Jona.

Søndagsmiddagen må også lagast så her er kokken i gang med steiking av kylling til storfamilien. Etterpå vart det kaffe og fly tilbake til Kvernberget søndag kveld.

Kvardagen sine små utfordringar!

Når dei store problema manglar får ein prøve å løyse dei små utfordringane i kvardagen. Men ordet kvardag er jo også ganske misvisande for problemet oppstod under sjølvaste søndagsfrokosten. Det er jo da vi har kokt egg. Elles ville vel heller ikkje problemet oppstått. Eg lasta godt opp av egget og la det flott utover brødskiva, løfta ho mot munnen og vips så .......
No er det sjo slik at alle problem kan løysast med etterpåklokskap. Den som ser godt på biletet kan sjå at der ligg både gaffel og kniv som Cecilie har lagt utover. Elles så går det jo an - i god amerikansk stil - å anlegge sak mot bakaren - og det var ikkje eg. Men bakaren var tilstades da dette hende.

Det er forresten ikkje alle som finn så mange problem i kvardagen. Nokon leitar heller opp den varmen som er å finne.

Julemiddag og sauens indre.

Da ligg pinnekjøttet i saltlaken så middagen til julaften skulle vere sikra i år også. I år fann eg også ut at eg ville dele mine inntrykk på bloggen. For nokre år sidan slakta eg i lag med Marit -veterinæren. Simon og eg var ivrige elevar. Noko av det vi såg på da har eg no fotografert.
Dei som berre likar firkanta kjøtt kan godt stoppe her, og hoppe til neste innlegg.
Her er bekre-lammet ferdigslakta og klar til å mørne i 40 døgngrader. Det betyr at viss det er omlag 5 grader skal det henge i 8 dagar.

Her er magesekk og tarmar som eg ikkje brukar til noko, men tarmane var tidlegare brukt som pølseskinn.

Magen til drøvtyggarar er ganske samansett. Først kjem det til den store vomma som var med på biletet i lag med tarmane. Etter at det har vore opp i munnen til ekstra drøvtygging vandrar det frå den eine "sekken" til den andre. Denne heiter nettmagen. Når vi ser innsida av nettmagen så er det ikkje vanskeleg å forstå grunnen til det namnet.

Her ser vi bladmagen med nettmagen i bakgrunnen. Her ligg det "blad" på "blad" (lag på lag) som dermed gir stor overflate til å førdøye maten.

På dette biletet ser vi lungene og hjertet. Til høgre er det ein trekloss som ligg der for å få luftrører til å stå opp mot kameraet.

Helgetur til Drammen.

16.-17. tok vi ein helgetur til Drammen, og da vart det nokre bilete av Eldbjørg. Vi hadde bytur på laurdag og tur i Drammensmarka på søndag.

No fekk vi sjå den nye verandaen som vart laga i sommar.

Tur i Drammensmarka på søndag.

Kjekt at vi kan kombinere tur i marka med gudsteneste i kapellet.

Kapellet innvendig.

Etterpå var det kaffe og vaflar ved ei turisthytta like ved kapellet.

Hald fast på ballen.

Steinkjerringa. (Ho til venstre)

Simon og Eldbjørg kviler på benken.

Kokken ordnar mat til oss.

Og så kjem det litt glimt i form av levande bilete frå helga.

Aktiv haustferie.

I første del av haustferien var vi til Malm. I tillegg til å vere besteforeldre vart det og tid til å delta i alt det som skjer på garden - alt frå fjøsbygging til sortering av lam, men det vart visst ikkje med på bilete. Viser elles til at Marit har laga ny heimeside for salg av bl.a. saueskinn. Link til denne sida står på vår blogg, eller gå direkte til: http://www.bergvoll.no/

Stolt bestefar i lag med Signe.

Storebror og lillesøster.
Eiliv.

Signe og bestemor.

I siste del av haustferien var vi på ekteskapsweekend med "Familiefokus" knytta til "Ungdom i oppdrag" på Frænabu. Akkurat som gamle bilar bør på reparasjon, er det greit å sende eit 36 år gamalt ekteskap inn til service.

Her er vi på tur opp mot Sjurvarden. Vi ser ut mot Hustadvika.

Åsbøsnyta.

26.september tok vi ein fjelltur på Nordvik, til Åsbøsnyta. Dette er eit fjell eg har sett rett bort på i snart 60 år, men har aldri vore der før.
Vi ser over fjorden mot Nordvik og Åsbøsnyta.

Utsikt frå fjellet mot Surnadal. Her ser vi tydeleg at elva Søya er styrt for å få litt meir dyrka jord.

Nokre av desse fjella ser vi også heimefrå. Vi ser Skjerringfjellet og Snøfjellet. Rett bak Snøfjellet skimtar vi Såtbakkkollen. Til høgre Skarfjellet. Dei to siste er bak Innerdalen.

Utsikt frå toppen av Åsbøsnyta. Vi ser heim. (Midt i biletet)

Fint ja.................

Sula ser vi her i ein heilt annan vinkel enn det vi ser heimefrå. Til venstre ser vi Litj-Sula som vi ikkje ser heimefrå.

Åsbøsnyta sett frå vegen mellom Kvanne og Surnadal. (Melhusen)

Historisk dag.

For den som leitar etter historiske situasjonar, så kan ein stadig finne dei. Dette var første gongen Cecilie har vore med meg for å ta opp garn. Det er ikkje trygt at gamle menn gjer slikt åleine. Forresten ikkje så ofte eg set garn heller da. (Dette biletet er teke med telefonen)
Vi fekk sei, pigghå og lyr. Det skal bli til fiskepudding. Men vi fekk også ein som hadde form som ein makrell, men det var mykje som ikkje stemte. Eg har sendt etterlysning på face-book om nokon veit noko om denne. Ut frå ei fiskebok må det vere"tagg-makrell", og er visst sjeldan i Midt-Norge. John Gudmund har allerede svart på fjes-boka og meiner det kan vere ein fisk. Kanskje har han rett. Vil gjerne ha fleire tips eller erfaringar med denne fisken.

Vi har vel ikkje hatt ein historisk dag i dag, men ein kjekk tur. Vi gjekk til "hytta" og hadde med kokeapparat + suppepose, pølsebitar og kokekaffe. Siste biten skulle eg gå fort for å gjere ferdig suppa til frua, men ho er så sprek at suppa var knapt halvferdig da ho kom etter.

Til ettertanke: Er alderdomen grå, trist, knudrete eller rett og slett vakker?

Dåp i Malm.

29.august vart Signe Elise døpt i Malm kirke. Vi fekk også kome til eit hus som var så nytt at det ikkje var heilt ferdig ein gong. Dåp i Malm kirke. Eiliv og Cecilie lagar show for kvarandre og dei som sit rundt.

Her kjem ein serie med bilete sett saman med programmet "Photo-Story" og med tilsatt svært velbrukt musikk.

Smøla.

Før skulestart tok vi ein campingtur ut til havgapet. Smøla har ein blanda "natur", og så kan det vere ulike meiningar om monstermaster på Smøla og i Hardanger. Vi gjekk i alle fall tur i vindmølleparken.


Her er vi komne fram til vindmølle 1. Der fann vi bl.a. ein flott edderkopp.

Ved vindmølle 49 var det trimpost.

Er dei elegante eller stygge?

Fiskarkjerringa på Veidholmen.

Kvile på vinden ved Veiholmen.

Mat ved campingvogna på Hopen.

Seglemerket på ein av Smølas høgaste fjelltoppar.

På Hopen var det berre gangavstand til gudsteneste på søndag.

Kunstverk i havgapet på Hopen. Forholdsvis barnevennleg puslespill berre barna får hjelp til å løfte bitane.